Prezidan Joe Biden ak lide Lachanm Depite Kevin McCarthy ap fe yon chita tande enpòtan sou enpas ki egziste sou plafon det la. Washington ap fe fas ak yon kont a rebou pou jwenn yon antant sou bidje nasyonal la epi ogmante plafon det Etazini pou evite yon sityasyon kote gouvenman federal la pa gen lajan pou peye det li - osito ke semen pwochen.
Ekip negosyate Lamezonblanch yo rive nan Capitol la Lendi pou yon lòt seri chita tande anvan rankont Biden sipoze genyen ak McCarthy nan Lamezonblanch.
Apre yon wiken kote diskisyon yo te reprann epi rete, ni Biden, ni McCarthy te pozitif nan moman dat limit la ap pwoche sou yo 1 Jyen.
Sepandan, McCarthy te lanse kek kritik piman bouk kont Biden Lendi.
