Prezidan Joe Biden pase yon pati nan fèt li ap obsève tradisyon Lamezonblanch kote yo padone kodenn pou fèt nasyonal aksyon de gras la ou Thanksgiving nan lang Angle a.
Kodenn yo resevwa padon Lamezonblanch pandan yon seremoni ki dewoule Lendi nan Lamezonblanch.
2 kodenn ki gen gwo chans sa a ane sa a rele Liberty ak Bell (libète ak kloch)
Yo gen 20 semèn, yo peze 42 liv, e yo pran nesans epi evolye nan Willmar, eta Minnesota. Se yon konpayi kodenn ki rele Jennie-O ki elve kodenn sa yo.
"Mwen ta renmen di tout moun nou kontan gen envite d onè sa yo avè nou jodia. Liberty ak Bell. Se jou pa yo. Mèsi direktè Federasyon Nasyonal Kodenn nan Steve Lichen - ak tout fanmi li. Mwen rankontre yo tout. Epi jodia se fèt mwen e yo chante pou mwen. Li difisil fete 60 an."
Seremoni padon kodenn nan make ouvèti sezon fèt la nan Washington.
" Nou isit Washington pou n eksprime gratitud nou epi amize nou. Se 76èm anivèsè evenman sa a. M' ta renmen di nou mwen pat la pou premye a. Mwen te two jèn. M ta renmen presize ke malgre Liberty ak Bell se kodenn Minesotta yo pote non kloch renome Liberty Bell la nan Filadelfi Pensilvani. Zwezo sa yo gen yon nouvo apresyasyon pou pawol kite libète sonnen."
Prezidan an te bay kèk detay sou kodenn yo tou.
"Kidonk Federasyon Kodenn nan di m Liberty ak Bell adore manje pom. Pa mal. Yo renmen oke sou glas. Mwen ta byen renmen wè yo ap jwe oke. Yo renmen sant acha Thousand Lakes la ak Mall of America. Pou rive jouk isit la Liberty Bell te bat anpil lot kodenn. Yo te montre pasyans epi volontye pou vwayaje 1,600 kilomèt."
Ane sa a padon an dewoule yon jou kote chaje aktivite nan lamezonblanch.
Biden yo tap fete fèt prezidan an epi Jill Biden - premyè dam lan resevwa yon bèl pye sapen ki soti jous eta Kawolin di No, ki pral sevi kom ab de nwèl ofisyèl Lamezonblanch la.
