Plis pase 4 mwa apre yo te arete'l nan ayewopo Moskou a poutèt li te gen mariwana nan malèt li, yon tribinal Ris fikse dat dewoulman pwosè basketbolez Amerikèn Britney Griner pou 1 Jiyè.
Vedèt ekip feminen Phoenix Mercury a taka rete fèmen nan prizon nan la Risi jiska fen sezon otonn nan. Tribinal la pwolonje detansyon ni yon 4èm fwa jodia.
Griner ap fè fas ak posibilite pou'l pase 10 zan nan prizon si tribinal la jwenn ni koupab dèske li tap transpote dwog.
Mwenske 1% akize yo nan pwosè kriminèl Ris yo resevwa desizyon faborab, e pa tankou Lèzetazini menm si tribinal la ta jwenn ni inosan, li posib pou leta ranvèse desizyon an.
Lendi, tribinal la, ki sitye nan yon banlye Moskou ki rele Khimki te pwolonje detansyon Griner pou yon lot 6 mwa.
