Soti mèkredi 12 mas pou rive jedi 13 mas , gwoup nèk ak zam achte lajan kontan katye kafou fèy ak zòn ki anviwonnen l yo. Bandi yo lanse plizyè atak pou anvayi katye sila.
Yon sitiyasyon mallouk ki fòse plizyè santèn sitwayen abandone lakay yo.
Nan ri Chavannes, Asayan yo mete dife nan lokal Radyo Tlevizyon Karayib
Pòtoprens kontinye ap antre pi fon nan twou san fon ensekirite a ki pa epanye abitan Kafou fèy, Baryajou, kanpèch, Avni Kristòf, Tijo, Debisi, Lali, Pako, Kanapevè elatriye li ap viv sou presyon ak laperèz.
Jedi swa ankò, abitan zòn sa yo te ka tande gwo kout zam k ap klewonnen pandan tout nuit lan.
Pou vandredi maten an, gen yon kalm aparan, men tout moun rete sou brezeng yo. Kèk sitwayen gentan mare pakèt yo pou si sitiyasyon la ta vin anvlimen.
