Chanm Depite Etazini an apwouve Madi apremidi, yon pwojè lwa pou evite fèmti gouvènman federal la.
Anvan sa, Repibliken Lachanm yo te pase yon tès inite kritik sou pwojè lwa sa a le yo te apwouve l pandan yon vot pwosedi.
Kounyea yo pral voye l bay Sena a, kote yap bezwen sipo omwens 8 senatè Demokrat pou apwouve l epi voye l sou biwo Prezidan Donald Trump pou l siyen l.
Se youn pami pi gwo tès lejislatif palmantè Repibliken yo fè fas jiskaprezan nan dezyèm manda prezidan an. Pou reyalize objektif sa a, Vis Prezidan JD Vance te vizite Capitol la Madi maten pou eseye ranmase sipo pou pwojè lwa a.
Dat limit pou apwouve pwojè lwa bidjè a se Vandredi 14 Mas a minui, sinon gouvènman an pral oblije kanpe operasyon l.
