Sware kick off la ap fèt jedi 20 nan restoran Magdoos nan Petyonvil avèk envite espesyal James Germain, selon sa Milena Sandler ak Joel Widmaer anonse nan yon live sou Instagram.
Òganizatè yo pwomèt yon Pap Jazz lakay, yon edisyon diferan avèk yon ti espasyal ki rele Jazzito. Sa vle di mizisyen yo ap entèprète kèk mizik ayisyen epi mete kèk touch Jazz sou yo
Nan vandredi sou sèn Karibe, fanatik yo pral gen posibilite pou dekouvri atis Ayisyen Syto Cave ki pral slam nan ribrik Slam & Jazz.
Epi samdi se pral manman penba a avèk Joel Akoustik, epi Kolo ansanm ak Kabish ki pral mete animasyon. Gitaris Keke Belizaire ak batè Joel Widmaer ap pèfòme tou nan sware espesyal sa.
Apre gran sèn yo, òganizatè yo anonse lòt pwogram, tankou Jazz pou timoum, atelye nan sant kiltirèl Brezil, Cinematech nan enstiti fransè elatriye.
Gen yon pakèt lòt atis ak lòt sipriz ankò pou 18è edisyon festival PAPJAZZ la ane sa.
