Pyès teyat mizikal Broadway "Hamilton" ki se yon megahit Ozetazini anile plan li te genyen pou prezante spektak nan Sant Bozar John F. Kennedy a nan Washington ane pwochèn.
Oganizatè yo site kom rezon remaniman Prezidan Donald Trump fè nan lidèship enstitisyon an.
Sant Kennedy a nan mitan yon boulvèsman depi Trump te fose lidèship la rache manyok li epi pran kontwol komisyon ki jere sant la.
Trump te pran kontwol komisyon an nan kad kanpay lajman laj lap mennen kont kilti "eveye" a.
Yo te prezante spektak "Hamilton" nan sant Kennedy a an 2018 pandan premye administrasyon Trump la epi anko an 2022 lè Joe Biden te prezidan.
"Hamilton" te sipoze tounen nan Sant Kennedy a ant 3 Mas ak 26 Avril 2026. Yo potko vann okenn biyè pou spektak la.
