2 match, 2 viktwa pou Ayiti ki rete lidè gwoup A a nan eliminatwa mondyal feminen U-20 yo pou zòn Concacaf la
Apre siksè l (3-1) kont ekip Antigua a ki ap resevwa match eliminatwa pou Gwoup A a, Ayiti aliyen yon 2è viktwa kont seleksyon Beliz la, yè dimanch la, gras ak yon dekabès Nehemie Sainvilus.
Bitèz ayisyèn nan fè 2èm ak 4èm gòl seleksyon Ayiti a ki te konte tou sou Pierreline Nazon, ki fè 3è gòl Ayiti a, e 3è gòl li nan eliminatwa yo, apre double li te fè kont ekip Antigua a, nan premye match Grenadyè yo.
Bianna Crèvecoeur te ouvri skò a pou Grenadyè yo ki manke sèlman yon grenn pwen pou kalifikasyon pou 2èm faz elimanatwa yo.
Nan 3è match Ayiti a, medam ayisyèn yo ap bezwen yon match nil kont ekip Guyana a pou yo kontinye avanti yo nan elimanatwa yo.
Ayiti bezwen rete lidè gwoup A a pou l ka jwenn biyè pou l al jwe 2èm tou a, kote l pral rejwenn yon egzagòn final ki ap gen ladan n meyè seleksyon rejyon an, tankou Etazini ak Meksik.
Match Ayiti kont Guyana a ap fèt madi 25 fevriye a, a 9è nan maten.