Pò a t oblije kanpe sèvis li yo jedi 9 janvye 2025 lan, apre menas chèf gang Mikanò te fè.
Jocelyn Villier, ki se direktè jeneral APN (Autorité portuaire nationale) fè konnen y oblije relouvri paske yo pa ka abandone ; yo la pou sèvi popilasyon an.
Li kontinye pou l presize tou, pò a paka deplase kote l ye a, kidonk se yo menm ki pou pran mezi sekirite ki nesesè pou l ka fonksyone.
Pò a abitye kanpe travay deja. Nan mwa novanm 2024 li te kanpe aktivite l yo pandan plis pase yon mwa aprè bandi te kidnape, nan mwa oktòb, 2 manm ekipaj yon bato ki te sou lanmè a epi tire sou enstalasyon pò a.
