Enfòmasyon yo rapòte, nan laplipa nan vil pwovens yo, bank komèsyal yo tou kòm mezon transfè yo ak tout lòt operatè ki nan fè virman elektwonik yo fikse yon barèm sou kantite kòb yon moun ka retire.
Desizyon sila a valab ni pou goud ni pou dola ameriken an.
Kantite kòb yon kliyan ka retire nan bank yo varye, selon vil pwovens yo, ant 25 ak 60 mil goud epi ant 100 ak 200 dola ameriken. Men nan Miragwán pa gen dola ditou.
Pou kliyan operatè elektwonik yo sitiyasyon an pi konplike toujou. Limit yo fikse pou tranzaksyon sila yo, selon vil la, chita nan echèl sa a : 3 mil ak 10 mil goud.
