« Le violon d’Adrien » se tit woman sa a ki soti nan « Éditions Mémoires d’encrier » ki pèmèt otè « Masi » a rive nan kategori sa a. Pou ane sa a, Gary Victor se sèl womansye ayisyen ki nan lis sa a.
Poko gen okenn otè ayisyen ki rive ranpòte Prix des 5 continents de la francophonie,
menmsi plizyè nan yo konn rive finalis menm jan ak Gary Victor. Ane pase, Mackenzie Orcel te finalis ak liv li ki rele « Une somme Humaine » ; Emmelie Prophète te finalis nan lane 2021 ak « Les villages de Dieu », menm jan ak Jean D’Amérique, menm ane a, ak woman li ki rele « Soleil à coudre ». Nan lane 2011 Marvin Victor te nan 10 finalis yo ak « Corps mêlés ».
Òganizatè yo te resevwa kandidati 129 liv pou 23e edisyon Prix des 5 continents de la francophonie an. Pri sa a te kreye nan lane 2001 nan lide pou mete limyè sou zèv literè k ekri nan lang fransè, nan tout 5 kontinan yo.
Non ganyan 23e edisyon an ap soti 26 mas 2025, ki se « journée internationale de la francophonie ».
