Nan yon nòt Konsèy elektoral pwovizwa (KEP) a mete deyò jodi lendi 9 desanm 2024 la, responsab yo anonse yo tanmen yon premye seri evalyasyon Biwo elektoral depatmantal yo (BED) ak Biwo elektoral kominal yo (BEC) nan yon pati nan Gran Nò ak nan Sant peyi Dayiti. Evalyasyon sa yo ki te kòmanse depi vandredi 6 desanm ap rapousib jiska mèkredi 11 desanm k ap vini la.
Daprè nòt pou laprès sa a, KEP a fè konnen evalyasyon sa a k ap fèt nan Nò, Nòdès, Sant ak Latibonit ap pèmèt yo gade kondisyon fizik batiman yo men tou gade ekipman ki disponib. L ap pèmèt yo tou gade kisa ki manke pou fè biwo sa yo fonksyone. Envantè sa a tou ap kapab fasilite KEP a prevwa yon bidjè, pran yon seri desizyon pou ranfòse estrikti sa yo epi pèmèt yo fonksyone kòmsadwa nan kad misyon yo.
Nòt la pa presize si ap gen yon dezyèm seri evalyasyon.
