Nan estad Moca 85 lan, klè ayisyen an rive mete do dominiken atè grasa Angelot Exilus, Daniel Saint-Fleur ak Rapha Intervil ki fè gòl nan match sa.
Apre yon bèl viktwa (1-0) nan match ale a semèn pase, Kapwa yo, konkli match retou ak yon lòt viktwa konvenkan pou yo rache biyè kalifikasyon yo pou pi gwo konpetisyon klèb nan rejyon an.
Angelo Exilus te fè premye gòl nan match la avan Domimiken yo te reyaji pou enskri 2 gòl pou mete Ayisyen yo sou presyon.
Sepandan nan fen match la, Rinosewòs yo krisifye dominiken yo. Daniel Saint-Fleur ta pral jwenn egalizasyon an nan 91èm minit.
4 minit apre, Rapha Intervil ta pral mete dènye kout mato a pou bay viktwa a Real Hope ki pral jwe pou premye fwa, nan jèn istwa l, lig chanpyon yo.
N ap souliye Angelot Exilus se pi bon bitè kapwa yo nan koup Caraïbes la. Ayisyen an fè 6 gòl nan konpetisyon an pou ede Rinosewòs yo jwenn kalifikasyon yo.
