Jean Jean Roosevelt ki soti nan Jeremi fè non l nan mizik Ayisyèn nan ak plizyè tit tankou « Donnez le monde aux femmes » ; « Taisez-vous » ; « Y’a danger » ; « Pinga ». Se yon atis ki renmen graje gita l pou chante mesaj linyon, solidarite men tou pou denonse ak atire atansyon sou kèk pwoblèm k ap ravaje sosyete yo tankou lafen, chanjman klimatik, inegalite sosyal. Li te ranpòte nan lane 2013 meday lò nan setyèm edisyon Jeux de la francophonie ak Prix TV5 Monde.
Konsè sa a se inisyativ Compagnie Théâtre Créole ki bay tèt li kòm misyon pou li fè pwomosyon pou « diversité francophone et créole » atravè kreyasyon, pwodiksyon ak difizyon zèv ki soti nan plizyè disiplin.
