Premye Minis Québec la pran desizyon sa a pou anpeche tout migran ilegal yo ki ta vle kite Lèzetazini pou rantre sou teritwa l la, nan jou k ap vini la yo.
"Vreman vre, gen yon risk reyèl ke Ameriken yo, nou kapap di sa ki ap viv ilegal yo, pral kouri pran direksyon fwontyè Kanadyen ak Quebec nan semèn kap vini yo, "se sa Mesye Legault de di nan yon koferans pou laprès nan Asanble nasyonal la.
Premye Minis Legault te tou pwofite avèti p ap kapab genyen yon « Roxham 2.0 ». « Chemin Roxham » se yon wout anpil Ayisyen, Kolonbyen ak Nijeryen te konn pase pou vin mande azil nan peyi Kanada. Wout sa a ki sitiye sou fwontyè kanadoameriken an te fèmen nan mwa mas 2023 a, aprè yon akò ki te jwenn ant 2 peyi yo.
Desizyon François Legault a gen rapò tou pwomès nouvo prezidan eli Ameriken Donald Trump an fè .
Nouvo prezidan ameriken an te bati kanpay li kont rival li Kamala Harris sou imigrasyon ilegal ak ekonomi peyi a.
