Kòm sa te anonse depi lendi, "Safe" ke Michael Brun pwodui, soti jodi mèkredi a.
Pou premye fwa nan istwa, John Legend mete vwa l sou yon mizik konpa. Yon inovasyon DJ Ayisyen an, Michael Brun rann posib.
DJ a ki gen 2 nominasyon nan Grammy 2025 yo te anonse sou rezo yo : "Konpa to the world". Li te pwomèt fàn yo, y ap jwenn John Legend sou yon mizik konpa.
Choz di choz fèt, entèprèt "All of me" an deklare tout flanm li sou yon mizik konpa avèk Diva ayisyèn nan Rutshelle Guillaume.
Mizik la gen goove, son an bon, tèks la byen kanpe, tou 2 atis yo byen lage.
