DJ Ayisyen an, Michael Brun, resevwa 2 nominasyon.
Atis ayisyen an, Michael Brun, resevwa 2 nominasyon pou pwochen Grammy Awards yo: youn pou pi bon Rock latin, yon lòt pou pi bon albòm iben.
Se avèk mo "Rekonesan" DJ a anonse nouvèl la sou rezo kote l jwenn anpil felisitasyon.
N ap raple, se pa premye fwa Michael Brun ap jwenn nominasyon nan gran evenenman mizikal sa yo ki reyini anpil gwo atis.
An 2020, DJ Ayisyen an te gen twa nominasyon nan Latin Grammy Awards. An 2023, li pran pri pi bon DJ nan Trace Awards and festival.
Michael Brun, se youn nan pi gwo reprezantan Ayiti sou sèn mizik la nan mond lan.
Seremoni pou 67èm Grammy Awards yo ap fèt an fevriye 2025. Michael Brun pral chache monte pi wo toujou nan monde mizik la.
