Sipèvedèt Afrobeats Davido siprann fanatik yo 24 Oktob lè li patisipe nan defile Legos Fashionweek 2024 la.
Davido patisipe nan defile modis rad gason Nijeryen ki rele Ugo Monye a. Li mete cham ak pouvwa vedèt li pou pwomouvwa rad misye epi bay patisipan yo gwo kè kontan.
Cybil Mokaeze se yon sineyas: "Te m diw, modis Nijeryen yo pap jwe non. Mwen te kontan epi mwen renmen sipriz Davido nan fen an, sete sik sou bonbon an - pèfeksyon. "
Legos Fashion Week se youn nan pi gwo defile mod Afriken yo e li dewoule chak ane nan kapital Nijeryèn nan.
Stephen Daniel se yon kreyatè kontni mod:
"M ta dekri Legos Fashionweek 2024 kom enklisiv. Nou gen mannken ki gra, nou gen moun tout koulè ak tay. Pi bèl moman an sete Davido."
Yo te lanse l an 2011 e li vinn tounen depi lè a yon platfom prensipal pou montre koleksyon rad modis Afriken yo epi klere limyè sou sak a la mod nan endistri mod la toupatou sou kontinan an.
Ivy Kakaiiiza ap travay kom Manadjè Devlopman Biznis:
"M kwè se yon bèl bagay. Modis yo amelyore, kalite travay yo amelyore varyete a amelyore. Men m ta renmen wè plis modis fanm."
Tèm Fashion Week Legos la ane sa sete "Komin" e li te vize selebre lespri kolaborasyon ak kreyativite modis Afriken yo.
