"Tribinal la a apwouve demann Ministè Piblik la pou 20 lane ak 6 mwa prizon pou M. Alejandro Toledo Manrique," yo te anonse pandan yon odyans ki te gen ansyen chèf leta a ladann.
Ansyen chèf Pewou a (2001-2006), te akeyi jijman an ak yon serenite aparan, yo te jwenn li koupab paske li te resevwa dizèn milyon dola nan men gwo konpayi konstriksyon brezilyen an.
Li te kontinye pwoklame inosans li depi lè revelasyon sa yo fèt an 2016 pa gwoup brezilyen an devan lajistis ameriken sou yon sistèm koripsyon rejyonal ki tabli pou jwenn kontra piblik.
Avoka li, Roberto Su, te fè konnen bay laprès li gen entansyon fè apèl kont jijman an.
Ansyen prezidan an te jwen arestasyon l nan lane 2019 nan peyi Etazini nan kad eskandal sa a epi yo te mete l sou rezidans siveye lakay li nan Kalifòni, jiskaske yo te ekstrade li an avril 2023 e mete l nan detansyon prevantif nan prizon Barbadillo, nan lès Lima.
Alejandro Toledo se premye ansyen prezidan ki kondane pa lajistis pami kat ansyen prezidan pewouvyen ki te vize pa yon ankèt nan kad eskandal sa a.
Twa lòt yo se Ollanta Humala (2011-2016), Pedro Pablo Kuczynski (2016-2018) ak Alan Garcia (2006-2011), ki te touye tèt li an 2019 pandan yo te prèske arete nan kad dosye sa a.
