Sa fè kèk ane, Wahsington ap veye DJI , sitou pou wòl yo di li jwe nan siveyans pou Lachin ak wòl li jwe nan lagè a nan Ikrèn, kote ni Larisi ni Ikrèn ap itilize anpil nan dronn yo.
Nan yon deklarasyon li voye bay AFP DJI te di "Nan dat Oktòb 18, DJI te depoze yon pwosè pou pwoteste kont deziyasyon engra ke Depatman Defans (DoD) ameriken an fè kote li kategorize nou kòm yon 'konpayi militè Chinwa'".
Etazini te ajoute DJI nan lis konpayi Chinwa ki gen rapò ak lame a an 2022.
Nan deklarasyon a yo kontinye pou di , DJI di te eseye "kolabore ak Depatman Defans lan pou plis pase 16 mwa," men kounye a li "te jwenn ke li pa te gen okenn chwa ke chèche sekou nan men tribinal federal".
Yo kontinye pou di militè Chinwa a pa ni posede ni kontwole DJI, e menm DoD konnen ke DJI fè dron konsomatè ak komèsyal, pa dron militè.
DJI se yon konpayi prive epi li pa ta dwe klase kòm yon konpayi militè" .
Nap raple ke DJI domine mache dronn nan mond lan.
Pandan plizyè ane, Washington te pran mezi ki vize konpayi teknoloji Chinwa yo pou sa li di ki se rezon sekirite nasyonal, akoz kè sote yo genyen ke Peken pral itilize teknoloji pou rezon militè.
