Nan yon reyinyon ki fèt jodia, otorite nan Nazyonzini adopte rezolisyon 2751 pou otorize fòs miltinasyonal la deplwaye kòmsadwa nan peyi a.
Fòs miltinasyonal la ki gen nan tèt li peyi Kenya, gen pou misyon ede Polis Nasyonal Ayiti a goumen kont gang yo ki okipe anviwon 80% Nan Pòtoprens, selon dènye rapò Loni pibliye.
Fòs miltinasyonal la ki kòmanse deplwaye nan mwa jen an Ayiti di yo fè anpil pwogrè nan pote sekirite nan kèk katye nan kapital la.
Prezidan Kenya a William Ruto ki te debake an Ayiti samdi 21 septanm 2024 la, bat bravo lakontantman pou pwogrè li konstate nan kesyon sekirite.
Ruto site zòn ayewopò a, ki te konn sibi atak nèg ak zam, ki pou kounya sekirize.
Pou kontinye ede lapolis nan kwape gang yo, prezidan Ruto pwomèt 600 lòt polisye mete sou 400 ki la deja.
Nap souliye peyi Gine manifeste enterè l pou entegre misyon miltinasyonal la. Premye minis Gine a, Amadou Oury Bah, anonse li dispoze 650 polisye ak jandam pou pote kole nan batay kont gang yo an Ayiti
