Se premye minis Gine a, Amadou Oury Bah ki fè deklarasyon sa pandan l t ap patisipe nan asanble jeneral Nasyonzini an.
Sou tribin Nasyonzini an mesye Bah deklare "Nou abitye patisipe nan misyon pou lapè Nasyonzini yo e n ap kontinye fè sa. Se pou tèt sa nou dispoze bay 650 polisye ak jandam pou estabilize Ayiti".
Nap souliye Gine te fè pati de misyon Nazyonzimi "Mimusma" nan peyi Mali, kote yo te gen 650 solda peyi yo ki te patisipe nan misyon an.
Pou Ayiti, premye minis lan dispoze voye menm kantite a pou ede Missyon miltinasyonal la, ki gen nan tèt li peyi Kenya.
Pou kounya gen 400 polisye Kenyan sou sòl Ayiti a. Kantite ap ogmante nan jou kap vini yo.
Nan diskou Prezidan peyi Kenya, William Ruto te fè nan Nasyon Zini li pwomèt 600 lòt polisye rive avan fen ane 2024 la.
