Mwayen Oryan
LONU Revoke 7 Anplwaye Ajans pou Refije Palestinyen an Akoz Posibilite yo te Patisipe nan Atak 7 Oktòb Hamas la
Nasyonzuni fè konnen li revoke 7 anplwaye ajans pou refije Palestinyen yo apre yon ankèt entèn jwenn ke gen posibilite ke yo te patisipe nan atak 7 Oktòb Hamas te lanse kont Izrayèl la.
Pami anplwaye LONU anonse li revoke Lendi, gen moun ke yo te deja egzije bay demisyon yo epi lòt ke yo te mete sou konje administratif ann atandan ankèt la te fini.
Sepandan LONU pa di konbyen moun li revoke o total.
Biwo sekretè jeneral LONU an anonse mezi a nan yon deklarasyon brèf li bay jounalis yo.
Farhan Haq, pòt pawòl adjwen sekretè jeneral la pa bay detay sou ki wòl egzakteman anplwaye UNRWA a te swadizan jwe nan atak la, ni ki prèv ki te lakoz yo te pran desizyon sa a.
See all News Updates of the Day
Trèv Izrayèl - Hamas : Izrayèl Anonse li Libere 90 Prizonye Palestinyen
Izrayèl anonse pandan nan nwit dimanch pou leve jodi lendi a li lage 90 prizonye palestinyen nan kad premye echanj prizonye yo te prevwa nan ako trèv avek Hamas la, apre mouvman Islamis la te lage 3 otaj israyelyen ki te femen nan Gaza.
“Aswè a, 90 teroris jwen libète yo nan prizon militè Ofer la nan Sisjodani okipe a, ak yon sant detensyon ki nan Jerusalem," dapre yon kominike biwo ki responsab prizon nan peyi Izrayèl la.
3 Otaj Rive Izrayèl Pandan Seselfe a Franchi Premye Etap li
3 otaj Hamas te kenbe nan Gaza tounen Izrayèl nan premye defi seselfe frajil ant Hamas ak Izrayèl la.
Otaj yo se: Romi Gonen, 24 an ke yo te kidnape pandan festival mizik Nova a, Emily Damari 28 an, ak Doron Steinbrecher, 31 an ke yo te kidnape nan Kibbutz Kfar Aza.
Pi ta Dimanch, Izrayèl sipoze libere apepre 90 prizonye Palestinyen.
Antant ki siyen an gen ladann liberasyon o fu e a mezi 33 otaj pandan 6 semèn kap vini yo.
An echanj, Izrayèl pral lage prèske 2,000 prizonye Palestinyen ak Palestinyen nan Gaza ke yo te arete.
Seselfe a ogmante espwa dèske yap kapab mete fen nan lagè a kap dewoule depi 15 mwa.
Putin ak Tokay Iranyen li Massoud Pezeshkian Siyen Yon "Akò Patenarya Estratejik"
Prezidan Ris Vladimir Putin ak tokay Iranyen li a Massoud Pezeshkian siyen yon "akò patenarya estratejik" nan Moskou.
Dapre jounalis AFP yo, trete a make yon nouvo rapwòchman ant 2 peyi yo, ki gen relasyon ostil ak peyi Loksidan yo.
Kontni akò a poko piblik, men Vladimir Putin akeyi akò a "ak yon objektif anbisye" apre yo fin siyen dokiman sila.
Li te deklare "Lyen ki genyen ant 2 peyi nou yo se konsiderab ak mityèlman benefisye."
Kisa k nan Akò Sispann Tire Izrayèl ak Hamas la?
Akò pou sispann goumen ant Izrayèl ak Hamas pèmèt fòs Izraelyen yo rete nan kèk pati nan Gaza jiskaske tout otaj Izraelyen yo jwenn liberasyon yo.
Trèv nan Gaza: Irak Mande Livrezon Èd Imanitè yo "Prese Prese"
Irak salye mèkredi akò trèv ki pase ant Izrayèl ak Hamas la, pandan li souliye "nesesite pou yo pèmèt èd imanitè rive imedyatman nan Gaza ak lòt teritwa palestinyen."
Ministè Afè Etranjè Irak la, ki estime trèv la fèt apre "kokenn chenn sakrifis ak gwo soufrans pèp palestinyen an" nan Gaza, reklame plis efò entènasyonal pou rekonstriksyon zòn ki detwi pandan agresyon" izrayelyen an, pou "garanti yon retou nan lavi nòmal epi yon amelyorasyon nan kondisyon lavi popilasyon an."
Facebook Forum