Sèjousi se tanzantan gen arestasyon Ameriken nan Larisi, nan moman kote relasyon ant Moskou ak Washington rive nan nivo kote li te ye nan epòk Lagè Frèt la.
Etazini akize gouvènman Prezidan Vladimir Putin kòmkwa li vize Ameriken pou rezon politik e pou sèvi ak yo pou negosyasyon, men otorite Ris yo ensiste pou di ke tout moun sa yo te vyole lalwa.
Kèk nan yo te jwenn liberasyon yo nan boukantay pou Ris ki nan prizon Etazini, men pou lòt prizonye yo, li pa klè si ap gen boukantay pou lage yo.
