Donald Trump ap fè you retou triyonfan nan Kongrè a pou rankontre ak depite ak senatè Repibliken yo pou premye fwa depi atak 6 Janvye 2021 an.
Palmantè Repibliken yo kontan e yo motive akoz kanpay Trump ap mennen pou l tounen nan Mezonblanch la.
Trump ap vizite Kongrè a malgre lajistis akize l dèske li te konplote pou l fè koken nan eleksyon 2020 an pou l te ka rete sou pouvwa a. Lajistis nan Nouyok fèk sot kondane misye pa rapo ak lajan li te peye yon aktris film porno anba tab pou anpeche li pale sou relasyon seksyèl yo te genyen.
Trump ap rankontre Repibliken Lachanm Depite yo an prive, epi apre sa li pral raknontre senatè Repibliken yo. Rankont yo ap dewoule nan katye jeneral kanpay li a ki sitye tou pre Capitol la. Yo pral diskite sou priyorite pati a.
Se premye fwa Trump ap vizite biwo pati Repibliken an, antanke prezime kandida a la prezidans pati a pou eleksyon Novanm 2024 la.
