Tòrnad frape plizye eta sou kòt ès Etazini nan nuit la.
Nan Michigan yon tibebe mouri. Nan Maryland 5 moun blese epi nan Ohio 8 moun blese.
Tibebe a mouri nan vil Detroit, manman li blese lè tòrnad la frape yon katye san okenn avètisman. Otorite yo di tòrnad la frape plizyè katye Mèkredi - e ke pat gen okenn siy ki ta pemèt yo avèti moun oubyen sonnen sirèn pou avèti sitwayen yo.
Pandansetan nan Maryland, gen 5 moun ki blese lè yon tòrnad frape batiman ak kay.
Bonè jedi maten, yon tornad chire twa yon ponp gaz epi fè dega nan yon restoran ak magazen. Yon responsab di 8 moun blese lejèman akoz debri van pote ale frape yo.
