Trump ap fè fas ak akizasyon kriminèl nan 4 eta ameriken, men dosye ki te al devan jij ayè jedi a se pwosè federal nan kad efò pou ranvèse viktwa Joe Biden nan kous prezidansyèl 2020 an, ki di ke li te komèt fwòd kont Etazini, te chache anpeche gouvènman an fè travay ofisyèl li, e te mete presyon ilegal sou otorite leta pou yo te ede li bloke sètifikasyon rezilta eleksyon yo.
Pandan ke ansyen prezidan an klèman ta pito yon desizyon ki dakò ak li sou kesyon iminite a, kidonk pwoteksyon total kont pwosè kriminèl, yon desizyon ki ta retade pwosè kriminèl la ta bon pou li tou, kote li ta pouse rezilta pwosè a pou apre elekson mwa Novanm nan.
