Ex-foutbolè renome nwa ameriken O.J. Simpson mouri 10 Avril, dapre yon mesaj fanmi li pibliye sou rezo X / Twitter.
"Papa nou, Orenthal James Simpson, mouri 10 Avril, apre yon batay kont maladi kansè," fanmi an fè konnen nan yon Tweet.
"(Nan moman li mouri a) Li te gen ozalantou li pitit li ak pitit pitit li" fanmi an ajoute.
Yo mande pou moun respekte vi prive yo pandan yap fe fas ak desè a.
Nap raple ke OJ Simpson te ranpòte anpil renome toupatou nan mond lan pandan pwosè lajistis nan vil Los Angeles te mennen kont li kote yo te akize l dèske li asasinen madanmi ni, Nichole Brown Simpson. Nan epok la mesye dam yo te divose.
Yon juri te jwenn misye pa koupab, sa ki te soulve anpil kolè ak pale anpil Ozetazini.
Nan mwad Fevriye 2024, doktè te diyagnostike misye gen kansè nan pwostat.
Simpson te gen 76 zan.