Paran yon timoun nan eta Michigan ki fiziye 4 elèv an 2021 resevwa santans pou yo chak pase 10 zan nan prizon poutèt yo pat pran mezi pou anpeche pitit yo al touye moun yo.
Jennifer ak James Crumbley se premye paran timoun ke yo kondane an koneksyon ak yon fiziyad nan yon lekòl Ozetazini.
Lajistis jwenn yo koupab de omisid envolontè.
Avoka akizasyon yo te prezante prèv ki montre yo pat sekirize fizi yo lakay yo epi atitd endiferan yo vizavi sante mantal pitit gason yo, Ethan Crumbley.
Jenom lan, ki gen 15 zan, te rale yon zam nan sak li epi pran tire timoun nan lekòl li. Yo te kite misye rete lekòl malgre yo te dekouvri yon desen vyolan li te fè pi bonè nan jounen an.
Jèn gason an ap sèvi yon santans prizon avi limenm.
