Plizyè milyon moun toupatou nan Amerik di Nò a viv yon eklips solèy total kote lalin nan bloke limyè solèy la Lendi.
Eklips la tanmen nan Mazatlan, Meksik e li pral vini nan Tè Nèv Kanada.
Li pase sou 15 eta Ameriken kote 44 milyon moun rete. Moun ki te suiv li nan lakou lakay yo, pak nasyonal ak tet bilding te konstate kèk minit fènwè.
Pi fò moun ki abite nan Amerik di No pat nan chimen dirèk eklips la, men yo te viv kanmenm yon eklips pasyèl kote lalin nan fè solèy la tounen yon kwasan dife.
Gen eklips solè ki dewoule toupatou nan mond lan chak 11-18 mwa, men se pa souvan ke yo kwaze chimen plizyè milyon moun.
Dènye fwa sitwayen Ameriken te viv youn sete an 2017, e yo pap wè youn ankò konsa, pazavan ane 2045.
