Beyoncé fè listwa ankò. Sipèsta a tounen premye chantez nwa ki gen yon chante ki rive nan nimewo 1 sou lis mizik country ki pi popilè ke magazin Billboard pibliye.
Chantez la atenn gwo akonplisman sa a apre nouvo tib li a, "Texas Hold 'Em" te rive nan nimewo 1 sou lis mizik stasyon country yo jwe plis semèn sa a.
Mamzèl pibliye tib la jou dimanch chanpyona foutbòl Supè Bowl la ansanm ak yon lòt chante ki rele "16 Carriages". Mizik sa a limenm te debite an 9èm plas sou menm lis mizik country ki pi popilè yo.
Tou le 2 chante sa yo sipoze sou nouvo albòm country Beyonce yo, ke li dekri tankou "act ii". Li di li pral soti 29 Mas.
Dènye albòm Beyonce a te parèt an 2022 e li te rele "Renaissance". Anpil moun rele albòm sa a "Act 1: Renaissance."
