Beyonce fe konnen li pral reprann vire won mondyal li yo.
Megavedèt global la anonse Mèkredi yon seri spektak global anba tèm "Renaissance" ki pwal komanse nan mwad Me a nan peyi La Suèd. Lòt etap yo se: Lond, Paris, Barselon, Toronto ak Etazini.
Anons la, ke fanatik yo tap tann ak enpasyans, rive kèk jou sèlman anvan seremoni remiz pri Grammy yo, ki fikse pou Dimanch. Beyonce se atis ki ranpòte plis nominasyon pou Grammy ane sa a e si li ranpòte tout pri sa yo li taka fè listwa.
Bwi tap kouri pou di kòm kwa vedèt la tap planifye yon seri konsè apre yon pefòmans prive li te bay nan mwad Janvye a nan Dubai.
Dènye seri vire won mondyal li sete an 2016.
Seri spektak "Renaissance" la sipoze pran fen 27 Septanm nan vil Nouvèl Orleyan.
