Kap Kanaveral —
Astwonòm yo dekouvri sa yo kwè ki se objè pi limine nan inivè a.
Qasar ki bat tout rekò yo gen yon twou nwa nan kè li ki tèlman gran e kap grandi tèlman vit li vale ekivalan yon solèy pa jou.
Qasar sa a ki sitye byen lwen briye 500 trilyon fwa plis pase solèy nou an, e twou nwa li a plis pase 17 milya fwa pi imans pase solèy nou an.
Yon ekip ki gen savan Ostralyen nan tèt li rapote rezilta yo Lendi nan jounal Nature Astronomy.
Savan yo di yo te mal klasifye objè a kòm zetwal sa gen plizyè dizèn lane desa, kivledi verite a te kache jiska kounyea.
