Jodi 14 Fevriye se fèt Sen Valanten. Ann gade kijan moun toupatou nan mond lan ap fete.
Nan vil Paris an Frans, koup ki abiye an woz ak akseswa ki gen fom kè te rasanble nan Tou Efèl la pou fete Sen Valanten.
Amoure yo te ka poze pou yon foto ankadre ak woz epi restoran Madam Brasserie ki sitye nan premye etaj la te ofri yon menu espesyal pou 400 envite.
Naveen ak Devika se moun Toronto, Kanada
Devika: "M kwe fete Sen Valanten nan Paris ak Tou Efèl la se rèv tout fi. Donk se yon mèvèy mwen paka dekri ak pawol jan se yon bèl bagay.
Naveen: " Wi li te vreman vle vini e mwen pat reyalize jiska kounyea kijan sete yon bagay ki enpotan pou li. E kounyea ke m rive - wi se yon moman spesyal. Eske gen pi bon fason pou selebre jounen an?"
Nan Bèljik menm, moun ap achte chokola kou loko.
Sant acha ki rele Galerie de la Reine nan chaje ak chokolatye ki dekore ak ke.
Touris espayol Eduardo Fuentes, 48 an achte yon kado pou madanm ni nan Neuhaus - ki di se limenm ki envante prelin moden Belj la.
"M achte bonbon sa yo ak kek valanten ak ke paske mwen sonje madanm mwen e mwen pral remet li yo le m tounen lakay demen. Map vwayaje pou afe men kanmenm m te vle achte yon kado pou fe l sonje mwen renmen l."
Nan Nouvo Delhi, peyi End, yon studyo kote moun al fè yoga ofri kliyan selibatè ak koup yon klas kote yo ka fè yoga ak ti chyen ki pa gen mèt ke yo jwenn nan lari e ke yo ka adopte. Gen 11 ti toutou ki patisipe nan evenman an.
Aditi: "Se premye fwa map asiste klas la e m kwe mwen jwenn valanten parfè mwen!"
Nan Filipinn menm, pa gen menaj pou Valanten pa yon pwoblèm ou ka fete ak chyenw!
Se yon abri pou chyen ak chat moun abandone ki oganize evenman an. Moun te peye 750 peso - swa 13 dola Ameriken pou kek ti amiz bouch pou yomenm ak bet yo. Lajan an benefisye abri a.
Nan Pewou menm, lapolis pwofite Sen Valanten pou mete bandi anba kod. Se konsa yon polisye degize tet li an lous epi kanpe devan kay yon dwog dilè sispek ak yon balon epi mesaj lanmou.
Lè sispèk la pwoche bo kote lous la, yon lot polisye kouri mete l anba kod epi sezi gwo sache ki gen dwog ladan yo.
Pou fini nan Nouyok, moun ki fache koupe ak menaj yo e ki pa kontan ditou pou fet Sen Valanten kapab peye 15 dola nan pak zowolojik Bronx la epi bay yon ravèt Madagascar non moun ou rayi a.
Ravèt sa yo pa gen zèl, yo mezire ant 5 ak 7 santimèt edmi epi yo sifle byen fo.
Debbie Schneiderman se Direktris Egzekitif platfom Dijital Wildlife Conservation Society.
"Moun gen reyaksyon fo ak pwogram sa a. Genyen ki di Woy! Wouch mwen rayi sa. Men tou gen plis moun ki di yo adore l."
Schneiderman di depi 2011 yo nomen plis pase 54 mil ravèt pou Sen Valanten.
