Yon Ameriken ki tabli yon orfelina an Ayiti ke lajistis akize kom kwa li te fose 4 tigason fè sèks avè l sa gen plis pase 10 zan desa, pral rete fèmen nan prizon pou kounyea.
Yon jij nan eta Colorado deside Jedi ke Michael Geilenfeld ta dwe ale nan yon kay tranzisyon pou kriminèl pi genyen yon monitè GPS pou trake l.
Sepandan pwokirè federal yo di yo pral ann apèl pou konteste desizyon jij la nan eta Florid.
Lod jij Colorado a pase a pap antre ann aplikasyon jiskaske tribinal Florid la pran yon desizyon.
La jistis te akize Geilenfeld mwa pase a epi akize l dèske li te vwayaje nan peyi d Ayiti "ak objektiv pou l patisipe nan konpotman seksyèl ilegal ak moun ki gen mwenske 18 an."
Geilenfeld te demanti akizasyon lajistis te lanse kont li nan le pase pou di li se yon agresè an seri.
