Premye Minis Ariel Henry rankontre pou premye fwa, responsab ki soti nan divès peyi e ki fè pati yon komisyon ki vize kore kapasite polis nasyonal la nan moman lap tann deplwaman potansyèl yon fòs zame etranje pou ede l konbat gang yo.
Gouvènman Ayisyen an di Madi komisyon ki gen responsabilite pou jere pwogram lan gen ladann responsab Etazini, Kanada, Japon, Almay, Nasyonzini ak Inyon Ewopeyen an.
Gouvènman an pa bay okenn lòt detay.
Yon responsab gouvènman an ki pat gen otorizasyon pale ak laprès di Associated Press pwogram nan vize jenere plis lajan pou baskèt fund" LONU te kreye pou resevwa kontribisyon lajan pou ede Polis Nasyonal Ayiti (PNH).
