Prezidan Joe Biden deklare Lèzetazini "pral reponn" atak ak dron yon gwoup Iran apiye lanse e ki touye 3 sòlda Ameriken nan Jòdani. Gen plizyè douzèn lòt moun ki blese nan atak la, ki dewoule tou pre fwontyè La Siri.
Ekip Biden nan kap travay sou kestyon ki gen rapò ak sekirite nasyonal te ranseye li sou atak la pandan li tap vwayaje Dimanch pou al nan eta Kawolin di Sid.
Pandan yon parèt li te fè nan sal bankè yon Legliz, Prezidan an di Etazini pase "yon jounen difisil nan Mwayèn Oryan an" e ke "nou pral reponn".
"Nou pedi 3 brav solda nan yon atak kont youn nan baz nou yo. Map mande nou obseve yon moman silans pou 3 solda nou yo ki mouri. Bondye beni nou tout- mesi."
Yo se premye sòlda Ameriken ki mouri apre plizyè mwa atak divès gwoup lanse kont twoup Ameriken yo nan Mwayèn Oryan an, pandan lagè Izrayèl-Hamas la ap dewoule.
Yon lot kote, minis afe etranje Iranyen an voye jete akizasyon ki di kom kwa se Teheran ki deye atak ki touye solda ameriken yo nan nodes Jodani.
Nasser Kanaani se pot pawol ministe afe etranje Iran.
"Gwoup rezistans yo nan rejyon an pa resevwa lod nan men Repiblik Islamik Iran an. Repiblik Iranyen nan pa akeyi pwopagasyon konfli nan rejyon an e li pa foure bouch li nan pwosesis desizyon gwoup rezidans yo sou kijan yo dwe apiye pep Palestinyen yo ni kijan pou defann tet yo ak pep yo kont agresyon ak okipasyon."
Biden blame milisyen ke Iran apiye pou atak ki lakoz twoup Ameriken mouri pou premye fwa depi komansman lage Izrayel Hamas la.
