Kantite nouvo djòb yo anrejistre nan mwa Desanm nan depase 173,000 ke yo te kreye nan mwa Novanm nan.
To chomaj la pa chanje limenm - li toujou a 3,7% - kidonk se 23èm mwa youn apre lòt ke to chomaj la pi ba pase 4%.
Kèk detay nouvo rapò a kapab dekouraje gwoup kap eseye konbat enflasyon nan Rezèv Federal la, ki ta ka oblije ranvwaye desizyon pou redwi to enterè a.
Salè Ameriken yo te ogmante a 4,1% konpare ak ane pase a, ki se 4% plis pase sa yo te ye nan mwa Novanm nan.
Savledi li pral pi difisil pou Rezèv Federal la (Bank Santral Etazini) ralanti enflasyon an pou fè l desann a 2% - ki se chif yo sible.
