Biznis Ameriken yo ajoute 187,000 djòb sou mache travay la nan mwad Out la. Ekspè yo di se yon siy ki montre mache travay la ralanti men li rete reziyan malgre ogmantasyon to entere Rezèv Federal la enpoze yo.
Chif yo anrejistre pou mwa pase a reprezante yon ogmantasyon konpare ak mwad Jiyè a lè biznis yo te ajoute 157,000 nouvo djòb. Sepandan ekonomis yo di to anplwa a modere konparativman ak done yo te ranmase ane pase a, epi komansman ane 2023 a.
To chomaj la ogmante de 3,5% a 3,8% - ki se nivo pi wo yo anrejistre depi Fevriye 2022. Sepandan o pwend vu istorik chif la toujou ba anpil.
Sepandan, to chomaj la te ogmante pou yon rezon ki bay ankourajman: a savwa gen yon pakèt moun ki tap chache travay mwa pase a - o fèt pi gwo kantite yo anrejistre depi mwad Janvye - e se pa tout ki te jwenn travay tou suit.
