DETROIT —
Tesla ap raple plis pase 2 milyon machin pou korije yon defo nan lojisyèl la ki sipoze asire chofè yo ap prete atansyon lè yo sèvi ak "otopilòt" la.
Dokiman kontwolatè Ameriken yo pibliye di konpayi a pral pibliye yon nouvo lojisyèl pou korije pwoblèm yo.
Mezi a vini prèske 2 zan apre yon ankèt kontwolatè otomobil Etazini an te mennen sou yon seri aksidan ki te rive pandan "otopilòt" la tap jere deplasman machin nan.
Gen moun ki te mouri nan aksidan sa yo.
Administrasyon Sekirite Otowout Nasyonal la di ankèt li a jwenn ke metòd otopilòt la ki sipoze rasire chofè yo ap prete atansyon kapab inadekwa epi lakoz moun pa itilize sistèm lan kòrekteman.
