WASHINGTON —
Prezidan Joe Biden ap rankontre nan Lamezonblanch pou premye fwa ak fanmi Ameriken Hamas kenbe ann otaj pandan atak brital li te lanse kont Izrayèl 7 Oktòb pase a.
Responsab Lamezonblanch ki pale ak Associated Press sou kondisyon pou yo pa site non yo di yo fèk ajoute rankont la sou skedil prezidan an.
Li poko klè konbyen fanmi ki pral asiste rankont la an pèsonn oubyen pa videyo-konferans.
Gen 7 Ameriken ke yo poko jwenn apre atak sipriz Hamas te lanse nan lanmè nan lè ak sou tè pou antre nan vil Izrayelyen kote yo te touye 1,200 Izrayelyen - sivil pou pi fò -- epi pran ann otaj 240 lòt.
Gen 4 Ameriken ke yo lage nan kad yon seselfle ke Etazini te ede negosye.
