Lapolis arete rapè Kodak Black nan Sid Florid pou posesyon kokayin ak lòt akizasyon ankò.
Dosye prizon awondisman Broward endike Bill Kapri (se non legal Kodak Black) anba kòd depi Jedi.
Lapolis Plantation akize l dèske li te posede kokayin e ke li te eseye jete prèv yo te genyen kont li.
Se pa premye fwa Kodak Black jwenn arestasyon l nan Sid Florid.
Ane pase a, lapolis te arete l pou dwòg tou, epi yo te lanse yon manda darè kont li pi bonè ane sa a ki akize l dèske li pat reponn prezan nan tribinal pou sibi tès pou dwog.
Lè Donald Trump te prezidan, li te padone santans rapè a, ke lajistis te kondane pou l pase 3 zan nan yon prizon federal - apre yo te jwenn ni koupab dèske li te achte fo dokiman pou achte zam.
