Senatè Bernie Sanders ak yon gwoup senatè Demokrat fè konnen yo pral sispann "mande jantiyman" pou Izrayèl fè plis pou redui kantite viktim sivil kap mouri nan lagè lap mennen kont Hamas nan Gaza a.
Palmantè Ameriken yo lanse avètisman bay ekip sekirite nasyonal Prezidan Joe Biden nan pou di asistans yo vle voye bay Izrayèl gen pou l lye ak garanti mezi konkrè Premye Minis Izrayelyen Benjamin Netanyahu ak gouvènman zèl dwat li a pral pran.
Li konsevab ke Kongrè a pa apwouve asistans pou Izrayèl si sa pa fèt.
Senatè Demokrat yo sèmante se pa entansyon yo paske yo apiye dwa Izrayèl genyen pou defann tèt li kont Hamas.
Sepandan presyon ap ogmante sou administrasyon an e deklarasyon gwoup senatè Demokrat yo montre fay ki egziste nan moman Kongrè a ap fè deba sou asistans pou Izrayèl.
