Nan yon diskou li bay nan yon reyinyon yon komite Òganizasyon Koperasyon Islamik (OIC) ki te fèt nan Istanbul, Erdogan di Netanyahu admèt ke li ap pouswiv politik ekspansyonis li a, e li ajoute ke defann Gaza kounye a se menm bagay ak defann lòt vil Islamik nan rejyon an.
Erdogan te di: "Anplis ke li se yon kriminèl lagè, Netanyahu, ki se yon bouche kap touye moun nan Gaza kounye a, (yo ta dwe jije l) menm jan yo te jije Milosevic".
Erdogan te fè referans a ansyen Prezidan Yougoslavi Slobodan Milosevic ke CPI te jije pou jenosid, krim kont limanite, ak krim lagè nan yon tribinal nan La Haye.
Latiki, ki sipòte yon solisyon 2 eta nan konfli ki gen plizyè dizèn ane yo, te kritike Izrayèl pou kanpay li ap menen nan Gaza, atak sa yo se an repons a atak gwoup militan Hamas te fè nan dat 7 oktòb la.
Atak Izarayelyen yo mennen touye plis pase 15,500 moun dapre ministè la sante Gaza a.
