Yon juri kondane nèg ki te debake lakay ansyen lidè Lachanm Depite Etazini Nancy Pelosi nan vil San Francisco ak espwa li tap pran li ann otaj. Misye te atake mari Pelosi ak yon mato.
Yon tribinal federal te jere pwosè li epi jwenn ni koupab. Koupab la rele David DePape e juri a jwenn ni koupab de tantativ kidnapping yon ofisyèl federal ak atak sou fanmi pwoch yon responsab federal.
DePape admèt pandan temwayaj li devan tribinal la ke li te atake Pelosi ak yon mato apre lapolis San Francisco te debake nan kay la.
Avoka DePape yo plenyen pou di akizasyon federal yo pa jis paske li te vize Nancy Pelosi akoz aktivite politik li yo e pa akoz responsabilite li ak travay li nan Kongrè a.
