LaRisi bonbade pou pi piti 118 kominote nan Ikrèn mèkredi, plis pase sa li te konn bonbade nan yon peryòd 24 è ane pase, se sa Ikrèn rapòte.
Bonbadman yo touche 10 rejyon, dapre Ministè Enteryè Ikrèn nan.
Frap ki fèt pandan lannwit yè swa a touye 2 moun, youn nan rejyon Kharkiv ak yon lòt nan rejyon Kherson, dapre otorite yo.
Atak ki te fèt nan lajounen touye yon dam 59 lane e blese 4 lòt nan vil Nikopol nan sid Ikrèn, epi yon frap nan Zaporizhia touye yon mesye 52 lane.
Ikrèn di tou LaRisi atake yon rafinri petwòl nan vil endistriyèl Kremenchuck kote preske 100 ponpye te chache kontwole flam dife yo pandan 4 èdtan.
