LaRisi arete ayè madi-a yon jounalis ki travay pou Radio Ewòp Lib/Radio Libète. Sa fè 2èm jounalis ameriken ke LaRisi arete ane sa a.
Madam Alsu Kurmasheva, ki gen doub sitwayènte Ris-Ameriken, e ki se yon editè pou Radio a, li anba akizasyon kòmkwa li pa te antrejistre non-li kòm ajan etranje.
Jounalis-la ki te vwayaje nan LaRisi nan mwa Me pase pou yon ijans nan fanmi-li, te anba men lapolis pou yon ti bout tan an Jen nan yon aewopò e yo te sezi paspò li.
Yo arete-l ayè mèkredi-a, e si li jwenn kondanasyon, li ka fè fas ak 5 lane prizon.
LaRisi te deziye Radio Ewòp Lib-Radio Libète ki gen ti non RFE-RL, yon ajan etranje an 2020.
Kumasheva “bezwen libète pou li ka retounen jwenn fanmi-li touswit,” se sa RFE-RL ki se sè LaVwadlamerik, di nan yon deklarasyon.
