Yon dife ke van nan bouk Santa Ana nan eta Kalifòni te akselere te travèse tè riral nan sidwès Los Angeles lendi, kote yo fòse anviwon 4-mil moun kite kay yo, dapre sa otorite yo di. Sa ki rele Dife nan Mòn nan yo pete vè midi-45 nan mòn yo ki chaje ak pye bwa toupre vilaj Aguanga nan Awondisman Riverside.
Yè swa, dife te gaye sou 5 kilomèt kare, dapre pòtpawol ponpye Jeff LaRusso.
Li di otorite yo pase lòd pou evakye apeprè 1300 kay ak 4000 rezidan. Nouvèl-yo pa rapòte okenn moun ki blese.
Van ki soufle nan vitès omwen 32 a 40 kilomèt alè te pouse flanm dife pase sou zèb ak pye bwa ke van te fin seche, akoz imidite a ki ba, dapre LaRusso.
LaRusso ajoute ke van yo te gen pou yo ralanti pandan lannwit la e ekip ponpye te gen pou yo chache sènen dife a.