Popilasyon eta Maine choke epi yo gen gwo kè sote nan moman lapolis ak ajan FBI kontinye ap chache yon nèg ki rele Robert Card, ke yo akize kòm moun ki komèt yon fiziyad ki lakoz 18 moun mouri.
Otorite yo di misye se yon rezèvis lame Etazini e li te louvri zam sou yon gwoup moun ki tap jwe bowling epitou moun ki te nan yon bar.
Atak la dewoule nan vil Lewiston Mèkredi e se fiziyad kote plis moun pèdi lavi yo nan listwa eta Maine.
Lapolis te kontinye fouye zo nan kalalou pou jwenn misye Vandredi.
Jedi menm, lapolis ame jouk nan dan te antoure yon kay nan yon zon riral kote yo te chache Card, men yo te kraze yon kite sa kèk hè d tan apre yo te fouye rezidans la.
Gen 3 pami moun ki blese yo ki nan kondisyon kritik.
Lekòl ak biznis yo fèmen e moun rete lakay yo nan kominote ozalantou Lewiston yo.
