Minis Ekonomi Ajantin nan, Sergio Massa ranpote la viktwa sou popilis zèl dwat Javier Milei nan rezilta preliminè eleksyon prezidansyèl ki te dewoule Dimanch pase a.
Apre yo prèske finn konte tout vwa yo, Massa gen 36,7 pousan e Milei gen 30%. Kidonk yo pral twoke konn yo nan dezyèm tou eleksyon an mwa pwochen an.
Pou ranpote la viktwa epi evite yon dezyèm tou 19 Novanm, fok yon kandida ranpote 45% vwa yo oubyen 40% ak yon avans 10 pwen sou moun ki fini dezyèm.
Dezyèm tou a, kote elektora a trè divize pral detèrmine si peyi Amerik du Sid sa a, ki gen 2èm pi gwo ekonomi nan rejyon an pral kontinye genyen yon gouvènman sant goch oubyen eli yon lidè dwatis ki pwomèt pou l fè chanjman sevè nan yon peyi kap eseye jere enflasyon ki monte 17 wotè epi lamizè kap ogmante pi plis chak jou.
